udaan falak tak......

agar hai khud me himmat tujhko,
ja udd parinde dur talak,
chhu ja kar unche falak ko tu,
tera kya koi bigaar sake,
tu uncha sabse udd chuka,

tere pankho ki farar awaaz hai,
kaano me gunjit lay jaisi,
tere hausle se mujhko milti taakat,
teri unchai meri manzil,

jo mann me tere armaan uthe,
un armaano ko mat yu daba,
pankh faila tu swaagat kar,
un sapno sahit hawao ka,
aur durr nikal, ja dur nikal,

jo janzeere pairo ko baandhe,
un janzeero ko kaat nikal,
jo thandi thandi hawaa bahe,
un hawa ko pichhe chhod nikal,

tu kar sakta, himmat tujhme,
ja dur ashim gagan me ja,
aur kar saabit udna apna,
ja pura kar apna sapna,

dharti bhi tujhko bol pade,
itna uncha tu kaha gaya,
meri nazare tujhko dhundh rahi,
kab lautega tu ghar apna,

tu keh de main bas aata hu,
karke duri tay akaash talak,
sapne pure karke apne,
bas aa raha main ghar apne,

bas aa raha main ghar apne,
bas aa raha main ghar apne.......